البنات بقت جامده أوى فى العيد

سالخير عليكوا
كل سنه وكل بنت جميله بخير
كل سنه وكل شاب محترم بخير
كل سنه وكل الاعضاء بخير
أولآ : لازم اعترف أن البنات العيد ده جامده أووى لأول مرة الواحد يشوف كميه الجمال ده فى البنات عشان كده النهارده هتكلم عن موضوع أختفاء جمال المرآه بس من خلال منظور تانى خااااالص
أنا مبحبش كلام الجرايد ولا الكلام الدبلوماسى أنا هحكيلكوا كام موقف كده حصلو معايا وفى الاخر فى سؤال محيرنى أوى
البدايه.... أول ايام العيد نازل انا عشان أعيد على اصحابى واقعد معاهم شويه و لقيت بنت جامده أوى اوى واقفه على ناصيه الشارع بتاعنا المهم البنت دى مديانى ضهرها يعنى لغايه دلوقتى أنا شايف جسم فقط بدون ملامح المهم طبعآ مسكتش قولت اخد فكره عن الملامح برده قربت منها وروحت معدى من قدامها وروحت شايفها
تصوروا طلعت مين ....؟!
طلعت شيماء جارتنا ... على الرغم من أن شيماء دى بشوفها كل يوم الصبح ومبقولهاش صباح الخير وعمرى مفتكرت أنى وقفت أتكلمت معاها الخلاصه أنها بنت جمالها محدود أوى بس النهارده لابسه ومتشيكه وماشاء الله قمر على الرغم من أنى متأكد أنها مش جميله للدرجه اللى أنا شايفها قدامى دلوقتى . . بس فرق شاسع بين شيماء اللى أنا اعرفها وشيماء اللى واقفه قدامى دى المهم مشيت ونظرة الاستغراب على وجهى وعلى لسانى سؤال واحد
ايه اللى خلى البنت شيماء جامده اوى كده على الرغم من أنها مش جميله للدرجه دى؟
المهم محطتش الموضوع فى دماغى ... وقضيت أول يوم وتانى يوم فى البيت وخرجت تالت يوم العيد مع اعز الناس وأنا متعمد أنى مخرجش أول يومين عشان الزحمه وكده وسبحان الله الزحمه على اخرها ولا كأننا فى يوم الحشر المهم نزلنا مكان ما ... ما شاء الله المكان كله مووز ومش أى مووز دى مووز بمعنى الكلمه المهم قعدنا وكده وركزت فى ملامح الناس الموجوده لقيت معظمهم انا شوفتهم كتير فى الجامعه لكن عمرهم ما شدونى أو عمرى ما قولت عليهم بمعنى الكلمه أنهم موزز ...للعلم المكان اللى أنا كنت فيه ده كان حفله وكان معظم الناس اللى فى الجامعه عندى معزومين فيها يعنى كل الناس اللى موجوده دى المفروض انى بشوفهم كل يوم فى جامعتى وعارف ناس كتير منهم بس السؤال برده اللى شغل تفكيرى
لما هما البنات دول موووز أوى كده ليه مخدناش بالنا أنهم جامدين أوى كده غير لما لبسوا واتشيكوا ؟
المهم خرجنا من المكان ده و أحنا ماشين فى الشارع برده ما شاء الله شايف قدامى مووز بطريقه غريبه لغايه ما قربت احس ان 4/3 مصر بقت بنات بس ونسبه كبيره منهم اوى جامدين
نفس الموقف شدنى وانا راكب المترو وراجع بنات كتير أوى جامدين على الرغم من ان الواحد كان بيركب المترو ده قبل كده كان بيحط وشه فى الارض عشان ميشوفش البنات اللى راكبين معاه
سؤالى : البنات ليه جااامده اوى كده فى العيد بالذات !!
محدش يقول : والله البنات طول عمرها جامده بس أحنا اللى مش واخدين بالنا ..لأن ده مبرر كااذب بكل المقاييس
مستنى اسمع تعليقات مقنعه
الغرض من التوبيك
معرفه ايه الحاجه اللى بتخلى البنات جميله اوى كده فى عيونا ونحاول ننشرها بين البنات عشان تبقى البنات كلها حلوة ومنزهقش واهوه برده البنات تلاقى عرسان
ملحوظه قبل النهايه
البنت اللى ذكرت اسمها فى التوبيك دى مش اسمها شيماء ولا حاجه اسمها حاجه تان خااااالص
مستنى اسمع تعليقات مقنعه

الموضوع منقول

عجبني قولت اشوف رايكم ايه

يا ريس انا لية تعليق على الموضوع بتاعك
على فكرة دة منتدى للمعهد وعلى فكر المفروض ننزل فية محاضرات وحاجات تفيد الطلبة
مش نتكلم على حاجات هايفة
ودة رأيى

اخي اسلام.....
اللي انت بتكلمه ده نائب مدير المنتدي
يعني عارف ايه المواضيع اللي تتناقش هنا اكتر مني ومنك

وبالنسبه للموضوع
انا شايف ان سبب الموضوع ده ان البنات يا حسره مابقوش زي الاول كده ماوراهمش غير المرايه
دلوقتي بتلاقي بنات بتدرس وتشتغل وتروح البيت تمسك المواعين وجردل المسح والمقشه
واليوم كده طار
فين المرايه بقي من كل ده
المرايه بتتواجد وقت الفراغ وهو العيد والاجازات وكده
ويارب تكون وجهه نظري سليمه
تحياتي

نو كومنت بصراحه

طب يا احمد انا عاوز اعرف رأى باقى الاعضاء فى الكلام الى انا قلتوا
وكلامك على راسى من فوق بس انا لية وجهة نظرى

اولا شكرا على ردودكم جميعا وعلى تشريفكم للموضوع

ثانيا يا اسلام المنتدى ده مش عشان المحاضرات بس

لو هو للمحاضرات بس يبقى نلغي كل الاقسام ونخلي الاقسام بتاعه الدراسه فقط

ولو هو للمحاضرات بس انت ما بتخشش على اي قسم خالص

مش معقول

ومش معقول برضه ان كل حياتك مذاكره يعني صح ولا ايه

اكيد الطلبه بتخش المنتدى علشان ترفيه او للمحاضرات زي ما بتقول او التواصل مع بعضهم

مش علشان المحاضرات وبس ولا انت ايه رايك

ملحوظه ليك يا احمد

انا مش نائب مدير ولا حاجه دي الصوره قديمه

انا مشرف بس

وشكرا تاني مره لتشريفكم الموضوع

اولا اسلام عنده حق الموضوع ملوش لازمة ثانيا الموضوع منقول ثالثا ياريت يا اخ عبدالله تختار مواضيعك لان المنتدى مسؤل عن كل موضوع بينزل عليه
وعندى سؤال لو انت بتشتغل فى مجلة او جريدة صفراء رئيس التحرير هيسمحلك انك تنزل موضوع بعنوان
(البنات بقت جامدة اوى فى العيد)
ولا هيسمحلك اصلا تنزل موضوع زى ده
رجاء منك اختار مواضيعك فى المنتدى وبلاش المواضيع المنقولة

نائب المدير

» :):):):)7 مستحيلات عند البنات والشــباب:(:(:(:(:(:(
» رولا سعد ترفض العري وتستعد للزواج في العيد
» محمد سعد خارج سباق العيد رغم تخفيضه لأجره 5 ملايين جنيه
» من هم البنات؟
» أغبى البنات .......... بدووووووووووووووووووووووووووون زعل