الموضوع الاول( حسن الظن بالله)

بسم الله الرحمن الرحيم
والحمد لله رب العالمين والصلاة والسلام على اشرف المرسلين
ربى اشرح لى صدرى ويسر لى امرى واحلل العقدة من لسانى يفقه قولى
اولا بعد ازنكم جميعا اعضاء ومشرفين ومديرين انا حبيت اعمل الموضوع ده هنا فى القسم ده وانا قاصد اعملة فى القسم ده علشان انا عارف ان اغلب الشباب والبنات بيدخلوا هنا وبيكلموا بعض وبيتلاقوا زهنياً وبيتبادلوا المعلومات والاراء فعلشان كدة انا حبيت ميكنشى كل كلامنا وقعدنا بعيد عن ربنا لازم نذكرة مرة حتى على الاقل مرة يمكن بسببها ندخل الجنة من غير حساب ولا عذاب
عايز اكلمكوا عن ربنا ممكن لو سمحتولى
احنا ليه بنبعد عنه مع انه قريب اوى مننا
ليه مش عايزينه وهو بيتودد الينا وبيسترنا واحنا برده مصممين مش عايزينه
عايز اكلمكوا انهردة او اعمل الموضوع ده عن شعور فى القلب
الشعور ده اسمة حسن الظن بالله
والشعور ده ربنا شايفة لانه هو الوحيد المطلع على قلوبنا لا الملايكة تعرف ولا الشياطين تعرف والانس يعرف ولاحد يعرف ذات الصدور الا الله
إنا الله عليم بذات الصدور
عايز اكلمكم عن عون الله فى المستقبل
طبعا كلنا شباب يعنى مليانين طموحات وافكار وامنيات
بزات فى المستقبل يا شباب ويا بنات مطمنين لربنا فى مستقبلنا
مستأمنينه على مستقبلنا
مستأمن لو ضحيت علشان ربنا انه يعوضك خير منه
ومن ترك شئ لله عوضه الله خير منه
مستأمن لو صبرت ربنا هيوفينا اجرنا فى الدنيا وفى الاخره
بغير حساب مستأمن لو قولت يارب ان ربنا سبحانه وتعالى يجيب الدعوة
مستأمن لو توبت وبطلت الذنب ده ان ربنا يعوضكويسعدك فى الدنيا والاخره
كل ده بيجى تحت مسمى واحد بس فى القلب فى قلبك انت وقلبك انتى اسمة (حسن الظن بالله)
حسن الظن بالله يعنى انا مستبشر بكل خير من ربنا مش قلقان
مش خايف اتعامل معاه لحسن ملقيش حاجة حلوة عنده
مش خايف اضحى لحسن ميجزنيش
مش خايف انفق لحسن ميخلفشى عليا
مش خايف اتوب لحسن لو توبت مش هيقبلنى اصلى ذنوبى كتيرة فستصغرت رحمتة وكرمة واستعظمت ذنبى
مش هكلمك كتير من غير دلاله على كلامى
قال رسول الله صلى الله عليه وسلم حديث قدسى قال الله تعالى
(انا عند ظن عبدى بى وانا معه اذا ذكرنى فإن ذكرنى فى نفسة ذكرته فى نفسى وإن ذكرنى فى ملإ ذكرتة فى ملإ خير منهم وإن تقرب إلى بشبر تقربت إليه ذراعا وإن تقرب إلى ذراعا تقربت إليه باعا وإن اتانى يمشى اتيته هرولة)
المثل ده او الحديث ده بيفكرنى بمثل حلو اوى
ان اتنين بيتكلموا مع بعض واحد بيقول للتانى يا بختنا ويا هنانا ريحين للملك بكرة (ملك من ملوك الأرض طبعاً)
هنرجع بالعطايا والهدايه والملك سامعهم هما الاتنين بس هما مشواخدين بالهم
فالتانى رد عليه وقاله يا عم هو احنا شوفنا منه حاجة قبل كدة يعنى هو هيعملنا ايه وبعدين انا خايف اروح اصلا لحسن ميأكلناش
لقمة عيش والملك كل ده سامعهم
تانى يوم راحوا عند الملك داخلين عليه هما الاتنين
واحد وشه كله استبشار بماعند الملك من فضل وكرم وخير ومال ومناصب
والتانى داخل جواه بيقول يعنى هنلاقى ايه عندك
دامثل صغير ولله المثل الأعلى
فى ناس كده يا شباب عايشة مستبشرين بما عند الله من خير
علشان كدة عبدالله ابن مسعود تربيه النبى صلى الله عليه وسلم بيقول والله الذى لا إله إلا هو لا يحسن عبد الظن فلله إلا اعطاه الله ظنه لان الخير كله بيديه
صدقونى بعدنا اوى اوى اوى عنه وبقينا خايفين من دكتور يشيلنا المادة وعميد يشد علينا فى الامتحان ومصحح يغلط ولا ينساه وميصححليش كويس ونسينى ان كل شئ بيد الله
يبقى اذا هنشتغل هنضحى هنسعى مش هنخاف من اى حد هنصبر واحنا متأكدين مش مخونين
اصل فى ناس مخونا يا شباب ويا بنات
ربنا بيقول إنا الله لا يخلف الميعاد وهو مش مستأمن ربنا ربنا بيقول ومن اوفى بعهد من الله وهو خايف يضحى علشان ربنا
خايف يضحى بالم*ب الحرام اصله خايف يسيب الشغلانة دىلحسن ربنا ميعوضوش هى كدةيا جماعة وبلاش مجاملة فى الكلام
إذا كان انا ولا انتى ولا انت لو حد ضحا علشنا عيب مقولوش شكراً عيب صح ممكن اكون فقير مش قادر اقولك شكراً اوفيك حقك لان انا معييش بالك بربنا سبحانه وتعالى
هاااااااا
خايف تضحى خايفة تضحى خايف تسيب حبيبتك احسن ربنا ميعوضكشى احسن منها فى الحلال
خايفة تسبيه لحسن ميعوضكيش باللى احسن منه فى الحلال
ومن ترك شئ لله عوضه الله خير منه
ها خايف لسه
كان فى واحد اسمة حاتم الطائى الراجل ده كان كريم جداااااااا واى صفة فى البشر مستمدة من عند ربنا سبحانة وتعالى
الراجل ده كان مشهور بالكرم وكان عنده حصان عربى اصيل ابيض كدةولونة جميل كان الناس بتجيله من كل البلاد علشان تتفرج على الحصان ده
وفى يوم جاله واحد يزورة ويشوف الحصان
فدخل حاتم الطائى دهوهو كان كافر مكنشى مسلم
ملقاش اكل يضيف بيه الزائر ده
فراح دبحله الحصان وقدمهوله
الراجل بعد مكل وشبع قاله ها بقى ورينى الحصان العربى الاصيل عايز اشوفة
قاله منتا كلته خلاص
اصلى دخلت جوه ملقتش حاجة ااكلك ومينفعشى حد يجي عندى ومكرمهوش
ودا ياشباب كااااااااااااافر
فمبالكم بالله الكريم يد الله ملأا سحاء كما قال رسول الله صلى الله عليه وسلم
لسه معرفتهوش طب اقولك حاجة تانيه تقربك منه
اقولك حاجة ليكى تقربك منه وتحببك فيه
قصة للزبير ابن العوام وهو بيموت قال لبنه عبد الله ابن الزبير يا بنى احنا عندنا املاك وعندنا ديون بيع الاملاك وسد الديون
واذا عجزت فقل يا مولاى الزبير اقضى دين الزبير واستعن عليه مولاى قل يارب الزبير
راح عبد الله بن الزبير يتمن الاملاك علشان يسد الديون
طلعت الديون ب 2مليون درهم الفى الف درهم
وجه تمن الاملاك لقى 11 بيت وبستان طلعوا ب 200 الف درهم
ينهار ابيض
طب يعمل ايه
حط نفسك مكانه كده عندك حسن ظن بالله!!!!!!
هو كان عنده
واحد يقولى ازاى
هقوله هو قال كدة ستنا مريم قالت أنا يكون لى غلام قال كذالك
هو كدة إذا اراد شئ يقول له كن فيكون
بدأ عبدالله يعمل مزاد ويبيع فيه الممتلكات دى ال 11 بيت والبستان
فكل ما الدنيا تضيق معاه يقول يا مولى الزبير اقضى دين الزبير
يقول فبعنا ال11 بيت والبستان اللى كانوا يسوا 200 الف درهم باعهم ب 50مليون درهم و200 الف
سدد ال 2مليون واتوزعت التركة على اهل الزبير وورثته
يا مولا الزبير اقضى دين الزبير
حسن الظن يا جماعه
لسه برده قلبك محنش ليه
طب هديك قصة تانيه يمكن تقربك منه يمكن
إبراهيم ابن ادهم حلوةاوى القصة دى يا شباب
حصل طوفان وهما راكبين السفينة وهو نايم متغطى ببطنيه كدة والسفينة بتغرق والهوا شديد والمطرة سيول والسفينة نصفها اتملت ميه وقربت تغرق وهو قاعد زى ماهو متغطى بالبطانيه جه واحد قاله قوم انت مبتشوفشى مش شايف السفينة بتغرف
راح قايم وكاشف وشه كدة وقال ياربى اريتنا قدرتك فأرنا عفوك
شوفنا يارب قدرتك هو لما شاف الرياح مشفشى غير ربنا
يقولون فهدء البحر كانه مثل الزيت
شوفت الزيت تقيل ازاى
البحر بقى عامل زى الزيت
بكلمة قالها وهو مؤمن بيها
شاف ربنا بقلبه مشفشى رياح ولا عواصف ولا رعد وبرق لا
شاف ربنا عز وجل
ها بعد القصص دى لسه مصمم تبعد عنه
مينفعشى ادعى ربنا وانا حاسس انه ميقدرشى يعملها مينفعشى يغفرلى اصلى زنوبى كتيره
استصغرت رحمة ربى واستعظمت زنبى فكان زنبى فوق رحمتة
ينفع بالله عليكم ينفع
تقوله يا رب يقولك لبيك عبدى
وإذا سألك عبادى عنى فإنى قريب اجيب دعوة الداع إذا دعانى
متقولش أنا هيقولك كذالك متقولش ازاى هيقولك كدة
انت عارف انت بتعصى مين
انت عارف انت حجمك قد ايه النمرود ملك مصر فى عصر سيدنا ابراهيم كان بيقول انا احى واميت
انت عارف دا مات ازاى
دخلت دبانه فى انفة ويقولون من اذنه اين كان دخلت الدبانة استقرت جوه مخه
عملتله وش فى دماغة بقى يضربوة بالنعال علشان الوش اللى فى دماغة يروح
وفى يوم من الايام الوش زاد الخدم اتجمع عليه وتنهم يضربوه بالنعال لحد لما مات
ادى اللى كان بيقول انا احى واميت
انتوا عارفين بيحى ويميت ازاى كان عنده اتنين مساجين
حكم على واحد بالاعدام وقال للتانى انت حر اطلقة يعنى
هههههههههههههههههههههههههههههه
كدة بقى يحي ويميت ولعياذ بالله
ها عيب اوى بقى كدة لسه معرفتش انت ايه وهو ايه
عارف هو قد ايه اقولك
العرش بتاعة قد الكون
مش الارض الكون بحالة سما وارض
الملايكة اللى شايلة العرش ثمانية
الملك الواحد لو حط رجليه فى الارض تبقى راسة فى السما
من بين ازنيه وكتفه خفقان الطائر 700 سنه
عارف يعنى ايه 700 سنة الطائر بيطير مش عارف يجيب اخر كتف الملك
عارف الملك ده بيعمل ايه بيستغفرلك
شوف انت ايه وهو ايه
ها الملايكة بحجمها الهائل جبريل عليه السلام 600 جناح فى رحلة الاسراء والمعراج كان مثل الخيشة المبلله من خشية ربه
جبريل اللى ضمر قوم لوط وقلب القرية بحلها بريشة من جنحاته ريشة واحدة مش هقولك جناج
انا عارف انى طولت عليكوا
بس معلش اعزرونى انا بحبكم كلكوا وعايزكم متعصهوش
هو بيستحى منكم بيستحى اذا رفع العبد يده ان يردها صفراً خائبتين
هو بيستحى طب وانت
انا منقلتش الموضوع من اى منتدى تانى انا جايبة من عندى من قلبى لان زمان كانوا بيقولو اللى من القلب بيوصل للقلب
ياريت يكون وصل لقلبكوا
انا خلصت كلامى بس ياريت تقراه وتقولى رايك انا عندى كلام كتير اوى لو عجبك الموضوع قيمة وقولى رايك رايك اللى بتستأل بيه ده ممكن يكون خطوة فى دخولك الجنه لا تستحقرن من المعرف شئ ولو تلقى اخيك بوجه طليق
وفى الاخر هقولك صلى على الحبيب محمد صلى الله عليه وسلم والحمد لله رب العالمين

بجد من أحلى المواضيع الى شوفتها فى المنتدى لو مكنش أفضلهم

ربنا يخليك يا حودة دا بس علشان انت محترم وزملكاوى بجد

هو فعلا من اهم واحسن المواضيع وهو موضوع اساسي في حيات كل الناس

مشكورة يا آنسه ASSA
وشكرا على مرورك الجميل وردك اللطيف

assaولد

عفوا

ههههههههههههههههههههه
انا اسف والله
مخدتش بالى ياريت تسامحنى غلطة مش مقصودة

عادي ولا يهمك بتحصل في احسن العائلات Wink

عليه افضل الصلاة والسلام . بارك الله عليك وفيك وبجد الموضوع مفيد ويستحق القراءة
جزاك الله خيرا هو فعلا احنا بعدنا جدا جدا عن ربنا ودة كله لية عشان متع الدنيا الفانية للاسف احنا مش بنعمل بقول سيدنا علي رضي الله عنه االذى يقول ( اعمل لاخرتك كانك تموت غدا واعمل لدنياك كانك تعيش ابدا ) والله احنا لو فهمنا وتدبرنا المعنى كويس هنرتاح وهنطيع الله وهنكون احسن حال من اللى احنا فيه

بشكرك جدا على الموضوع وده من احسن الموضيع داخل وخارج المنتدى واتمنى انك تستمر فى كتابة موضيع زى الموضوع ده

جامد جدا ومفيد لازم تكتب حاجات مهمة زي دي

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه يابنى assa دى اختصار لأسمه أحمد سيد مش عزة يعنى صباح الخير

ربنا يسهل لو عجبكوا الموضوع ده
انا عندى موضيع قد دى عشر مرات وممكن كل يوم اعملكم موضوع يقربكوا من ربنا اكتر
لو عايزين قولولى وانا والله العظيم هخليكوا تحبوا بجد
مستنى رأيكم

مستنى ايه يلا ابدأ

بجد بجد بجد موضوع اكثر من رائع ويستحق التثبيت فعلا
مش تقولى اهلى وزمالك

هااااااااااااااااا فين التكملة

شكرا للا ضاح لاسمي

أنت لسه فاكر

ركز شوية يا احمد

يركز فى اية

وربنا يهدى الجميع

الموضوع جميل جدا ربنا ما بحرمنى منك s

الموضوع جميل جدا ربنا ما بحرمنى منك s

شكرا يا (س) وانشاء الله اول منزل القاهرة هنزل مواضيع كتيرة
ادعيلى انتى بس

شكرا على الموضوع

» انا واعوذ بالله من كلمة انا
» الموضوع الثالث (الستر)
» الموضوع الرابع (الرزق)
» الموضوع الخامس ( كيف ترى الودود)
» الموضوع التانى انا اولى بذالك منك