محمد الحلو : هيفاء و سعد الصغير كرهوني الغناء .. و آدم ابني خليفتي

كشف الفنان محمد الحلو عن خليفته في الساحة الغنائية معتبرا ان ابنه آدم سيكون امتدادا له في مشواره الفني.

وأكد الحلو ان آدم سيكون مفاجاة غنائية من العيار الثقيل لما يمتلكه من صوته وصفه بصوت العصر بالاضافة الي اجادته للتلحين حيث قام بتلحين أغنيتين في ألبومه الجديد الذي يعكف حاليا علي تجهيزه ويضم 12 أغنية.

وتعاون الحلو من خلال الالبوم مع مجموعة من الشعراء منهم تامر حسين و وائل توفيق و أشرف أمين و من الملحنين عمرو مصطفى و محمد رحيم و إبنه آدم الحلو وهو الألبوم الأول له بعد عدوله عن قرار الاعتزال الذي اتخذه عام 2006 بسبب تردي الساحة الغنائية وانتشار الفن الهابط متمثلا في عري هيفاء وهبي ورقص سعيد الصغير علي حسب وصفه.

وأكد الحلو في حواره لبرنامج "صباح الخير يا عرب" ان الساحة الغنائية اصبحت مشاعا لكل من هب ودب كي يدلو بدلوه حيث اصبح مهنة مطرب مهنة من لا مهنة له وضاع الصوت الجميل واصبح الغناء عبارة عن تهريج

واشار الى ان السبب في ذلك يعود الي الفضائيات التي ساهمت في انتشار انصاف المطربين والترويج للراقصين والراقصات تحت مسمي اغنية والسلام لذا اصبح العري والكليبات الفاضحة هي الاساس واصبح الطرب الاصيل استثناء.

ودعا الحلو الجمهور إلي مقاطعة "الأغاني الهلس" لانها تشوه عقول ووجدان الناس وتسطح أفكارهم.

بصراحة هو عنده حق فى كل الى قاله وان الفن فى مصر والوطن العربى فعلا بقى مستواه هابط سواء افلام او اغانى

طبعا وبالذات البتاع الى اسمه سعد الصغير ده حتى باين من اسمه انه بيئة أوى مدخل الحمير فى الأغانى يع

المشكلة فعلا بقيت في الناس الجديدة اللى للاسف الاعلام بيطلق عليهم فنانين امثال سعد الصغير وبعرور وللاسف بقي ليهم جمهور وبيسمو الللى بيقولوة فن شعبي يعنى حكيم بقي يروح ينتحر دة بالنسبالهم رومانسي علي كدة

حكيم والناس القديمة ديه هى الى يتقال عليهم فن شعبى وانا بقتنع بيهم لكن بعرور وسعد الصغير والناس ديه اغانيهم لا ليها معنى ولا ليهم لزمة اصلا

الغريب انك بتلاقي ليهم شعبية وجمهور طيب ازاى بس اصلا اغانيهم دى لا معنى ولا لحن ولا صوت اساسا

انا اقولك ليهم شعبية ليه علشان اصلا ما بقايناش نهتم بالصوت ولا الكلمات قليل جدا الى بيركز فى معانى الكلمات كله عاوز حاجة روشة وخلاص وانا ده الى بشفوه حتى من ناس حوليه ومن اصحابى ساعات كمان ومش بعرور وسعد الصغير بس فى ناس غيرهم كمان مش بيغنوا شعبى بس بردوا مستواهم هابط

ماهو دة اللى اقصده ازاى ناس زى دول نسمعهم وهما السبب لهبوط مستوى الاغنية الشعبية في مصر والله انا لم بكون في الشارع مثلا و بسمع بس صوت واحد منهم او اغنية لواحد فيهم وبالغلط بجد بحس ان اعصابي مشدودة ومتوترة وعايزة اورح باقصي سرعة

اوحش حاجة لما بيبقى فرح فى الشارع اقفل الشبابيك وابقى خلاص هموت علشان الفرح ده يخلص مش بيشغلو غير الاغانى ديه بردو بتبقى حاجة متعبة فعلا والى بقى اصعب ان الشباب بينزلو الاغانى ديه على الموبيلات ومشغلنها بستمرار فى الشارع وقفين مشين حتى فى الموصلات

ماهما ليهم جمهور عشان للأسف ذوق الناس كل مدى فى النازل

ربنا يقويكي

عفوا