الأهلي يختار 18 لاعبا لمواجهة الاتحاد في الدوري الممتاز

اختار الجهاز الفني للنادي الأهلي بقيادة البرتغالي مانويل جوزيه قائمة من 18 لاعبا لمواجهة الاتحاد السكندري الخميس في الأسبوع الرابع والعشرين للدوري الممتاز.

وقال الموقع الرسمي للنادي الأهلي أن الفريق سيدخل معسكرا مغلقا حتي موعد اللقاء والمحدد له السابعة والنصف من مساء الخميس.

وجاءت القائمة علي النحو التالي:

حراسة المرمي: امير عبد الحميد - رمزى صالح.

خط الدفاع: شادى محمد – احمد السيد – وائل جمعة – محمد سمير.

خط الوسط: سيد معوض – جيلبرتو – احمد صديق – احمد على – احمد حسن – احمد فتحى – معتز اينو – محمد بركات - محمد ابو تريكة.

خط الهجوم: أسامة حسنى – احمد بلال – فلافيو.

الجدير بالذكر ان الأهلي يحتل صدارة الدوري برصيد 45 نقطة، فيما يحتل الاتحاد المركز السادس برصيد 33 نقطة.

لاول مرة هبقى عايز الاهلى ي*ب بس ده طبعا عشان خاطر الزمالك

هههههههههههههههههههههههههههههههههههههههههههههههههههههههههههههههههههههههههههههههههههههههه
مش مصدق محمود عاوز الاهلى ي*ب لا مستحيل يترى يعنى حتتفرج على المتش انهرضة ولا لا

انا اساسا مش بتفرج على الدورى المصرى اتعودت اتفرج على الكورة الى بجد بس الدورى المصرى بسمع النتايج بس انما اتفرج مستحيل

عندك حق كورة الدورى المصرى تجيب الضغط والسكر

ده أكيد عشان كده أنا اعتزلت الدورى المصرى من خمس سنين

خمس سنين حتة واحدة يارجل قول من سنة من سنتين لاكن خمسة ديت صعبة اوى

أنا مش بكدب اخر مرة كنت بتابع الدورى المصرى باهتمام كان من خمس سنين بعد كده اتجهت للكورة الحقيقة واحسن 3 دوريات على مستوى العالم مستحيل أسيب الناس الى بتلعب كورة بجد واتفرج على دورى الشلل النصفى فى مصر

ياعم انا قولت انك بتكدب انت حتقولى كلام انا مقولتهوش بس ليه من خمس سنين ازا كان الزمالك لسة مكنش وقع من خمس سنين كان واخز دورى ابطال افريقيا لو تفتكر وكان واخز الدورى العام
انا عمرى ياحودة ما اقول عليك كداب

ماهى اخر سنة الزمالك اخد فيها الدورى كانت اخر سنة اتابع فيها الدورى المصرى بعد كده مفيش هدف اتابع الدورى عشانه ده مش مستوى كورة اضيع وقتى عشانه