ههههههههههه تخيل ان دى جدتك كنت هتعمل معاها ايه

[color=cyan]

منك لله يا ستي!!

الله أكبر الله أكبر..أذان الظهر..

يارب.. يارب بحق ده الآدان تنجح يا نون يابن ابنى وأشوفك دكتور أد الدنيا -

ياستى بس أنا فى تجارة-

وماله يابنى هو يكتر على ربنا...... ده ربنا قادر على كل شئ -

ياستى ونعم بالله بس اللى بيطلع دكتور لازم يكون فى كلية الطب مش التجارة-

ياللا تجارة تجارة ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا-

ياستى التجارة اللى فى الوكالة حاجة واللى فى الكلية حاجة تانية-

ع العموم شد حيلك أنته وانا أخلى جدك يخدك معاه الوكاله عشان تتدردح وتتودك فى السوق-

جدى إيه اللى هايخدنى معاه .....ده جدى مات من زمان ياستى-

يامصيبتى عبد الواحد مات..ياحبيبى ياأخويا..مكنش يومك ياسبعى-

ياستى ده ميت من تلتين سنة-

تلتين سنه..ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت -سيرته..ده كان بخل الدنيا فيه..أن ما عمره دخل عليه ببطيخة ولاكيس جوافة

ياستى حرااام عليكى عايز أذاكر بقى-

يوه..وأنا ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون-

ياستى دبلون إيه..أسمه البكالوريوس-

أنته عتضحك عليه ياوله..أسمه الدبلون الواد ابن فايزة جدع زيك كده فى مدرسة التجارة وخد الدبلون-

خلاص دبلوم دبلوم ياستى ..سيبينى بقى عشان أذاكر -

-ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك عبير بت رئيسه....دىإيه ياواد.. أدب وأخلاق..وعلام كمان

ياستى عبير دى معاها أعدادية-

-وماله يابنى ...الراجل مايعبهوش إلا جيبه

راجل ...راجل مين ياستى...عبير دى بنت -

-عبير ...عبير مين ياوله..أنته بتعرف بنات من ورانا

لا إله إلا الله....أبوس رجلك ياستى أرحمينى بقه -

-طب ذاكر....ذاكر جتك نيله وأنته طالع براوى كده زى أمك....قطعت وقطعت سيرتها...أنامش عارفه أبوك كان أجوزها على إيه..حكم...قال لبس البوصة تبقى عروسة..بس واللى نبى النبى نبى لكون مبوظه الخطوبة دى ومجوزاه أنيسة بت أختى

-ياستى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوك مش بنت أختك ..وأساسا إنتى ملكيش إخوات بنات

صحيح ياوله ..أنته عندك حق أنا مليش إخوات بنات..أصلى أناأمى ماكنتش بتخلف صبيان-

حرااااااااااااا ااااااااااااااا اااااام ............ستى ماتطلعى البلكونة شويه ...ده الهوا حلو بره -

لأياخويا....فى جدع كده حليوه وشعره مسبسب فى البلكونه اللى فى الوش بيقعد يعا*نى-

خلاص روحى المطبخ ...أهو زمان أمى خلصت الرز-

رز...رزإيه يابنى....هوأنا ليه سنان للرز...أناهطلع البلكونه أحسن-

طب أبقى خلى بالك م الهوى ياستى-

هوى لما يلطشك-

الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني وحليت كويس لكن للأسف المراقب سحب مني الورقة قبل ما أكتب أهم حاجة فيها

ياترى أنا كان إسمى إيه؟؟ ياترى كان إسمى إيه؟؟

ههههههههههههههه هههههههههه

يااااااارب يعجبكم
ويكون فى عون اللى عندة جدة كدا

[/color]

هههههههههههههههههههههههههه
موضوع جامد اوي اخر حاجة

يا ساتر ربنا مايحكم علينا انا لو مكانه كنت رميتها من البلكونة وارتحت

ربنا مع الى عندة جدة كدة بجد

مقدرش أحكم غير لما أتحط فى الموقف ده بس فى الغالب برضه هرميها من البلكونة ههههههههههههههههههههههههههههههههههههههههههههههههههههههههه

بصراحة هو الغلطن اكيد بعيد ليله زى دى هنسي اسمي
ربنا يكون في عونو

ممكن الى عندة جدة زى دى يبقى يكتب اسمة فى برشام علشان لو نسية (ودة اكيد طبعا) يبقى يغشة

يا ساتر

اعتقد اللى عندة تحفة زى دى مش هيلحق يدخل الامتحان عشان هيموت بالسكتة القلبية قبل الامتحان

انا بردوا عندى جدة كده بس ارحم من كده شوية بس انا كده عرفت ان انا مرحومة انا كنت فكرة ان انا متعذبة من جدتى بس دلوقتى عرفت ان الى بيشوف بالوى الناس تهون عليه بلوته وانا هقولك ايه الى بعمله مع جدتى علشان اترحم منها شوية بخدها على قد عقلها لما تقول حاجة حتى ولو كانت غلط ما بصححش حاجة منها بس بردوا الله يكون فى عونك وعونى بس لازم تعرف انك يوم من الايام هتكون زيه وان الناس ديه كبيرة ولازم نعزرهم

لو انا مكانك أبعدها الامتحان مكانى علشان اكون أنتحرت من البلكونة منها

وليه يا أحمد تنتحر أنت لسه صغير واحنا عايزينك انما هى هتكون رجل برة ورجل جوه

ياساتر بتتمنالها الموت بس والله العظيم انا لو عندى جدة زى دى تبقي نكتة ويكون الكلام معاها مسلي جدا علي الاقل هتتكلم مع ناس علي طبيعتا ومش شايلة هم اى حاجة في الدنيا لان الميمورى عندها هتكون متفرمطة علي طول اول باول

هتكون في اخر ايامها هتتكلم عن ايامها من غير متقصد اكيد هتعلم حاجة من حكايتها قبل

هي نورا معاها حق احنا لازم نعذرهم لاننا عرضة اننا نكون زيها لما نكبر وبعدين دة مش ذبنها ولا هى بتكون تقصد كل دة .دة بيبقي تصرف طبيعي لكبر السن والزهايمر وكل الامراض اللى عارفينها دى

طبعا لازم نحترم السن دة كما كنا بنحترمهم طول حياتهم دي اخر ايامهم

اكيد لازم نحترمهم ومش نتريق عيلهم زى اللى بيحصل مع بعض الناس بس المشكلة ان محدش واخد بالة من الحكمة اللى بتقول كما تدين تدان يعنى اللى هتعمله ف حد لازم هيتردلك وفي نفس الموقف برضو

كلامك صح ولازم نتعلم من الكبار ولا خلاص محدش هيتعلم حاجة

على فكرة مش موضوع اننا بنتريق عليهم بس أساسا الموضوع من أوله هزار مش أكتر طبعا مستحيل حد يعمل الى احنا كاتبينه ده مع جدته حتى لو كانت ايه

لا في ناس بتعمل اكتر من كدة كمان

يبقوا سورى مش طبيعيين

سوري ماعدا الانتحار

ماشى ياعم

شكرا على الموضوع

انت بتقول كده على ايه بالضبط لو قصدك على الناس الكبيرة الى بتعمل كده يبقى انت غلطان لان الناس ديه كبرت وتعبت ده انت لو جبت اى جهاز يوم ما هيعيش حوالى10سنين بالكتير اوى اوى وبعدين هيهنج ويبوظ يبقى الانسان الى كل الاجهزة الى جوه ديه شغالة لاكتر من 60سنة واكتر يبقى مش عاوزها تتعب وتتضعف وانت المفروض تعرف انك هتبقى يوم من الايام زيهم

Rob Van Dam كتب:: يبقوا سورى مش طبيعيين

عنديك حق يا nora

ياريد يفهم حاجة زي دي

هههههههههههههههههههههههههههههههههه بجد موضوع حلو موت

حطها فى متحف

» اجمد واحلى منزل متحرك .......... تخيل واحلم