خصم 15 يوما من الراتب عقوية سائقين بأسوان تركا القطار يسير وذهبا لتناول الافطار

أصدر يحيى عبدالعيظم رئيس الإدارة المركزية للمنطقة الجنوبية للسكك الحديدية باسوان
قرارا بوقف كل من حمدى سعد حسين وأحمد عبدالعظيم أحمد سائقى قطار الضواحى عن العمل
وإحالتهما للتحقيق وخصم 15 يوما من راتبهما لتسببهما فى واقعة سير القطار بدون سائق
من منطقة محطة السد العالى والذى كان فى طريقه إلى محطة أسوان.
كما قرر رئيس الإدارة صرف مكافأة مالية لعمال التشغيل ببلوك رقم "1" بمحطة أسوان
لنجاحهم فى إيقاف القطار قبل أن تقع كارثة.
وكان السائق ومساعده قد تركا قطار الضواحى بعد إعداده للتشغيل داخل منطقة مرتفعة
مع عدم تأمينه بطريقة صحيحة وذهبا للافطار فتحرك القطار بدون سائق لمسافة 10
كيلومترات من محطة السد العالى متجها لأسوان.

ده كان ممكن تحصل مصيبة وكل الى يعملوه خصم 15يوم دول المفروض يتسجنوه افرض كان محدش لحق القطر ووقفه كان ممكن الناس كلها الى فى القطر يموتوه الناس ما بقاش عندهم زمة ولا ضمير

وليه مستغربة ده العادى بتاعنا

بس مفيش اى احساس بالمسولية بالطريقة ديه الناس ما بقاش عندها دم للدرجة ديه بيستهونو بحياة الناس كده

متزعليش ماهو أخد جزاء مفيش بعد كده 15يوم خصم ههههههههههههههههههههههههههههههههههههههههههههههههههههههههههههههههههههههههههه

السلام عليكم ورحمه الله وبركاته
فعلا ليه مستغربه على راى محمود ده العادى بتاعنا
الناس فى مصر ملك للبلد
يعنى مش مهم سفينه تغرق ولا قطر يولع ولا اتوبيس يعمل حادثه والناس كلها تموت
عادى بقى لما السواق راح يفطر
من غير ما يطمن على القطر والناس اللى فيه
مصرررررررررررررر
بقت رمز للاهمال
بس على فكره انا بعشق اسوان ورلاحت كتير اوى السد العالى
المستبدة أم ساجد

انا مش مستغربة الحكم عليهم انا مستغرباهم هما ازى يعنى ما يتاكدوش قبل ما يمشوا ان القطر وقاف مش شغال انا عارفة ان الاحكام هنا فى مصر غلط لكن هما ازى يبقوا مستهونين كده

الاحكام مش غلط عقول الناس هى اللى بقت غلط

ربنا يهديهم وعقلهم تتضبط

ياساتر حتى الاهمال بقي في ارواح الناس لا ماهو طبعا ازاى مايرحوش يفطرو في ستين داهية الناس اللى كانت ممكن تموت دى انا شايفة ان الاحكام دى مش عادلة بالمرة المفروض تكون اقصي من كدة بكتير

احنا أساسا مش بنتحرك غير فى الوقت الضايع لما تحصل مصيبة

فعلا بعد كل حادثة يطلع المسؤلين في التلفزيون ويقولوا احنا عملنا كذا وهببنا كذا والمواطن عندنا فوق كل شئ وعمل احتياطاطنا واللازم والحوارات دى وبعديها بشوية تحصل نفس الحادثة طيب مين بقي المسؤل عن دة كلة

الناس مش بقى عندها دم خالص