قوانين المدارس سنة 2050 !!!!

تذكير بمساهمة فاتح الموضوع :

اللى يعيش بقي

القوانيــن دى حاليـا مش هتتطبـق إلا في مصر وإذا نجحــت هيطبقوهـاعـلــى العـالم العربي ويمكــن أمريكــا تاخذ القوانين دى وتتطبقها على مدارسها

القوانين الخاصه بالطلبه هي :

1 :: لا يحـق لمديـر المدرسـة إيقـاف أي طالــب إلا بعـد موافقـة الطالـب و بقية الشله .

2 :: المـــواد الدراسيـــه المهمــة هي فن (تمثيل - موسيقي - رقص - الخ) .. و الــلي يرســب فيهـا يعيـد السنـه ..

3 :: تبـدأ الدراسـه من الساعـه 9:00 ص حتـى الـ 12:00 م..

4 :: لا يحـق للطــالب التوقـف عـن الأكـل في الحصـة .. إلا إذا كـان صائـم ..

5 :: يحـق للطــالب الخـروج في أي وقــت و الدخـول في أي وقـت أثنـاء الحصـة ..

6 :: يحـق للطــالب أن يطــالب بدرجــة أعـلـى خصوصـاً إذا كـان فوضـوي او فاشل ..

7:: أثنــاء الإختبــارات يقــوم المعلــم بإيصــال أوراق الطـلاب المتفوقين لمنازلهم حفاظا على سلامتهم من العين من بقية الطلبه الفاشلين هذا إن حصلو اصلا علي طلبه متفوقين

القوانيـــن الخاصـة بالطالبات :

1 :: يحـق للطــالبــة عــدم الإلتــزام بالزي الرسمي و لبس ما شاءت .

2 :: عـلـى كل طاولــة هنـاك مرآة " لتعديل المكياج "

3 :: يحـق للطالبـــة أن ترفـــض إنــزال قدمهـا عن القـدم الأخـرى رفضـاً تامــاً ..

4 :: عمل رحلات ميدانيه لتعريف فتيات المستقبل بأماكن وأسماء المشاغل النسائيه وأيهما الافضل

5 :: يحق للطالبه حمل الهاتف المحمول معها للمدرسه...وكما يحق لها التحدث بالهاتف اثناء الحصص

هذه القوانيين المتوفره لدينا الان ولا يوجد لدينا اي مانع بأضافة اي تعديلات من قبل الاعضاء

لا مش هنموت ولا حاجة ماهو أغلبها كوابيس

بس اعقتد ان القوانين دى كلها احلام مش كوابيس واحلام وردية كمان

عادى مش مهم ماهو أغلبها كوابيس

كوابيس ازاى يعنى دى كلها علي مزاج الطلبة

صح على رأى الكينج محمد منير

رأي ان أبو شاديه يشوف حل
ولا ايه يابو شاديه
لو بطلنا اكل نموت

ممكن كل عضو يقول راية وعلي اساسه نقرر هل ينفع او لا
وانا رايي انة مينفعش عشان احنا بنتقدم لقدام والقوانين دى لمصلحة الطالب انما السجاير مش في صلحة الطلبة
انا كدة قلت رايي وفي الاخر احنا ديموقراطيين يعنى هنقرر بالاغلبية

شيكو كتب:

رأي ان أبو شاديه يشوف حل
ولا ايه يابو شاديه
لو بطلنا اكل نموت

ابو شادية مش موجود دلوقتى بس اكيد يهمنا راية ف الاول والاخر برضو

سجاير ايه بس ربنا يتوب على الى بيشربوها منها

ادينا بنحلم احسن ما يحصل لنا حاجة من كتر الضغط علينا فى المدارس وفى كل مكان

الموضوع دة عشان كل اللى بيحلم بحاجة ونفسه يحققها يقولها واحنا نحققهالو بس في الحلم برضو

ليه للدرجة دى مبقاش فى حاجة بنتمناها فى البلد دى وتتحقق غير فى الخيال بس

هههههههههههههههههههههههههههههههههههههههههههه واكتر احنا عايشيين ففي كابووس اساسا

ياستى أهو عايشين وخلاص أحسن من غيرنا بكتييييييييييييييييييييييير

احنا المفروض نشوف حاجة تتفق مع الطلبة والمدرسين بس فى نفس الوقت ما ندمرش التعليم اكتر ما هو مدمر

فى المشمش ده مش فى مصر

اصل البلد ديه فيها حكومة بتسمع للشعب فى ظل الديمقراطية وبتحاول تحقق كل مطالب الشعب والطلبة وانت اكيد فاهم طبعا الديمقراطية فى مصر

ههههههههههههه والله الوضع اللى احنا عليه حالا يخلينا نقول ان ده مش بعيد يحصل ومش كمان سنه 2050 لا قريب عن كده كمان لول

ده لو حتى لو احنا فى سنة2500مش هيحصل ابدا فى مصر الا بقى فى الاحلام زى ما احنا عملين نحلم كده لكن فى الحقيقة ما اظنش ابدا

طبعا مش هيحصل

هو فعلا القوانين دى احلام وصعب تحقيقها في مصر بس ادينا بنحلم انتو مستكترين علينا الاحلام كمان خلي اى حد يحلم بحاجة يكمل حلمة والا هنكون فعلا عايشيين بكابوس مش هنصحي منة ابدا

لو بطلنا نحلم نموت خلونا نحلم دة الشي الفاضل لوبطلنا هنموت

احنا ما قولناش ما تحلموش بس انت بتقول ان ده ممكن يحصل قريب بس ده مش هيحصل واحلموا برحتكو كلانا بنحلم بدل ما يحصلنا حاجة من كتر الضغط علينا

طيب انا هنام واحلم ومن فضلكو محدش يصحينى من حلمى بقي

لا بجد كلنا بنحلم بمستقبل افضل من كدة بكتير للتعليم في مصر وانة يكون ارقي من كدة شوية سواء في تلقي المعلومة او معاملة المدرسين ومش معنى كدة ان الطالب يبين عدم احترامة للمدرس بالع* غير كدة المشكلة الكبيرة واللى اتكلمت عنها في الاول ان الطالب دايما متلقي ومستمع ومفيش نقاش ويطلع للجامعه الدكاترة يطلبو منه البحث عن المعلومة طيب ازاى المفروض يكون هوة دة اسلوب التعليم في مصر

يالا ادينا بنحلم وربنا معنا علشان نخلص وربنا مع الى بعدنا الى عملين يصعبلهم المناهج وبطريقة غبية جدا

مشكلة عويصة جدا انهم بيخلو دخلو الكلية اللى انا عايزاها بمجموع معين وتنسيق وكلام فاضي مش زى دول اوروبا او في امريكا بتدخل المجال اللى انت حابو او شايف ان دة مستقبلك باختبار بسيط جدا

التنسيق والمجموع دة سبب فشل اغلب المتخرجين لان كل واحد دخل المجال اللى هو مش حابو اكيد مش هينجح فيه ازاى هشغل في حاجة انا مش حباها

اصعب حاجة على اى حد انه يعمل حاجة مش حبابها وده انتو الحمد لله اترحمتوا انا لسة فى ثانوى تعالو شفوا المناهج بيطورها ازى بيزودا الدروس وحاجات كده جديدة مطبقينها علينا بس حاجات انتو اترحمتو منها خلاص ادعو للى جين بعديكو هيعملوه ايه فى الحاجات ديه انا اول دفعة يتطبق عليها الانظمة ديه

ربنا معاكو والله وتعدوا بسلام من المرحلة دى بس بيتهيالي انتى في اولى ثانوى لانى سمعت عن نظام جديد بيطبق في اولى ثانوى تقريبا كدة بتاخدي المادى اللى كنا بناخدها طول السنة في ترم واحد لا بجد دة نظام فاشل ومش بيوضح للطالب اى حاجة كله حشو معلومات وبس

انا فعلا فى اولى ثانوى انا كنت اول دفعة فى سنة ستة واول دفعة فى النظام ده بردوا انا كل حاجة جديدة من طرف وزارة التربية والتعليم بتطبقها على الدفعة الى انا فيهاوالمشكلة فى النظام ده انه المنهج كبير وراحو هما زودوا وكمان المواد منتهية اما سقوط او نجاح لانها ترم واحد انا عندى زميلى فى الدرس شال ملحق فزياء ومع الاسف مفيش فرصة يعوضها الترم التانى خلاص هيعدها فى الصيف الجى ملحق نظام فاشل والمدرسين هما الى بيقولو احنا نخلص شرح المنهج ده امتى مش احنا نذكره امتى بس الحمد لله انا عديت الترم ده على خير عقبال الترم التانى

مبروك وعقبال الترم التانى هي فعلا مشكلة ياتنجح ياتشيل مادة بس اكيد في ناس قدمت شكوة بالنسبة للنظام الجديدة اصلا مش مالوش لازمة خالص بالعكس بيعقد الطلبة من التعليم ومن الثانوية العامة يعنى مش بيبنى بالع* بيهدم

هو فعلا فى ناس كتير اتعقدوا وانا اول وحدة انا كنت نوية على علمى خلاص اتعقدت من كتر الى بشوفوه حوليه وشكلى كده هدخل ادبى وربنا مع الى شاله المواد الترم ده

لا بجد لو ميولك علمية كملي وان شاء الله ربنا يوفقك مش من اول عقبة هتسلمي وبعدين مين قالك ان الادبي سهل هو صعب زى العلمي بالظبط ومحتاج لحفظ وذاكرة قوية وقبل ماتقررى اى حاجة شوفي انتى هتلاقي نفسك في اية وربنا معاكى

انا بشكرك على محاولة انك ترجعيلى ثقتى بس الاسلوب الجديد ده ما تتصوريش كان عامل ازى انا كان عندى امتحان عربى يوم السبت وكنت اليوم الى قبليه كنت باخد درس فيزياء ودرس انجليزى ودرس جغرافيا علشان لسة ماكناش خلاصنا المنهج فتخيلى الضغط الى كان عليا انا ما كنتش بنام اصلا ايام الامتحانات لدرجة ان بعد ما الامتحانات خلصت خرجت طبعا ورجعت نمت لغية تانى يوم من كتر التعب والضغط ايام الامتحانات وقبلها كمان فا ان شاء الله ربنا يقدم الى فيه الخير ونشوف ايه مواد الترم التانى ديه صعبة ولالا ونبقى نقرار

عربى وانجليزى وجغرافيا افتكر الحاجات دى اخدتها فى اعدادى على كده انتى لسه فى اعدادى

كل اللى اقدر اقولهولك ربنا معاك وخلي بالك مفيش حاجة بتيجي بالساهل يعنى لاوم تتعبي عشان تحسي بطعم النحاج اللى حققتيه وان شاء الله يكون الترم التانى افضل من كدة بكتير

لالالالالالالالالالا وحياتك التعليم فى مصر الى بيتعب زى الى مبيتعبش كله فى الامتحانات براشيم والذى منه والى بيذاكر زيه زى الى مبيحضرش طول السنة وهو ده التعليم المصرى ( سلطة )

لالالالالالالا مش كدة ان الله لا يضيع اجر من احسن عملا ربنا عمرةمايضيع تعبك ابدا واكيد هيوفقك في حاجة تانية في حياتك في شغل مثلا بعد ماتتخرج لكن اللى بيغش دة عمرة ماهينجح في حياته ابدا

على كده اغلب الى بيتعلموا مش هينجحوا فى حياتهم ماهو كله معتمد على الغش اصلا

انت بتقول انه كله بيغش وده مش صحيح انا بغش علشان ما اكدبش بس كبيرى سوال او اتنين مش اكتر بس السنة الى فاتت كان معاية بنات فشلة وجابه مجميع كويسةجدا بس مش لدرجة الى زى انا وغيرى كتير بيذكروه من اول السنة بس دلوقتى المعلومة اصلا بتدخل وبعدين تنزل فى ورقة الامتحان وبعدين بتتنسى يعنى هى هى بس كده احنا بردوا احسن من الى ما بيذكروش قدام ربنا

صح والله عندك حق دا انا حتى قريت الكلام ده فى مجلة ....!! اسمها سيب ايدى والنبى يا احمد
واكيد الغش ليه سبع فوايد زى ما ابن القيم قال
وعلى راى المثل من نام وارتاح كتب له النجاح ومن سهر الليالى عاد السنة من تانى
صح ولا انا صح

ده الى أقصده فى ناس بتبقى فاشلة جدا وبسبب الغش بيجيبوا درجات أحسن من الناس الى بتذاكر نفسها يعنى كله بيتساوى فى الأخر

بيتساوا هنا فى الدنيا لكن فى الاخرة لما تقف ادام ربنا هيكون شكلك عامل ازى كل الغش ده هتتحاسب عليه احنا عارفين انه حرام هتقولى كل حاجة بنعملها حرام بس ادينا نحاول نعمل حاجة لااخرتنا وعلى راى مدرس كان بيدينى ذاكار تنجح غش تجيب مجموع اصلا طلع انه كل الشغل فى الاخر ولا له علاقة بالى انت درسته وحتى لو له علاقة كله بعد الامتحان بيتنسى ولا كااننا خدناه

أهو كلام بيضحكوا بيه على عقول التلاميذ

ولا ايه

انت عندك حق اهو كله حشو ولا بيفيد فى حاجة فى الاخر يعنى احنا بنكتب ونقرا بس جهلة وبرغم كده فى ناس مش بيعرفوه يكتبه ولا يقروه بس مش جهله

الف شكر على الموضوع الرائع دة

بحلم و يحلالى