الاهلي يودع البطولة الكونفدرالية بشكل مخزى

أطاحت ركلات الجزاء الترجيحية بالنادى الأهلى من دور الستة عشر لبطولة كأس الإتحاد الإفريقى بعد الخسارة امام مضيفه سانتوس الأنجولى بثلاثة اهداف مقابل لا شئ قبل اللجوء لركلات الترجيح والخروج من البطولة


ونجح الفريق الأنجولى فى تحقيق المفاجأة الكبرى برد الهزيمة الثلاثية على النادى الأهلى بعد المستوى الهزيل الذى قدمه النادى الأهلى ومديره الفنى والذى ودع الفريق بحزن شديد بالخروج من البطولة الكونفدرالية وضياع حلم تحقيق اول لقب كونفدرالى لمصر

ركن الفريق الاحمر لنتيجة مباراة الذهاب وظهر دفاع الفريق بصورة مفككة دفعت لاعبى الفريق الأنجولى فى إكتساب المزيد من الثقة والسيطرة على اللقاء بعد فشل الأهلى فى تسجيل اى هدف طوال زمن المباراة كان كافيا لإنهاء آمال الفريق المضيف

كما إبتعد كل من فلافيو وأسامة حسنى وجيلبرتو عن مستواهم بشكل ملحوظ ,, كما كان دفاع الفريق بعيد عن مستواه بصورة كبيرة وزادت الأمور سوءا فى التغييرات السلبية لمانويل جوزيه والتى لم تضيف لسير المباراة فى شئ وفشل البرتغالى فى إنهاء مشواره مع الاهلى بصورة طيبة

وتملك لاعبى الأهلى الثقة والغرور لينجح فريق سانتوس فى تسجيل هدف التقدم فى الشوط الاول عن طريق عن طريق تصويبة قوية من خارج منطقة الجزاء عن طريق كيرون سكنت شباك رمزي صالح والذى أنقذ فريقه من هزيمة كبيرة وتعاطف معه القائم فى إنقاذ هدف محقق لسانتوس فى الشوط الثانى والذى أضاف فيه كل من سوانس الهدف الثاني في الدقيقة 77 وموسيموا الهدف الثالث فى الدقيقة 88 لينتهى الوقت الأصلى من اللقاء بفوز أصحاب الأرض بثلاثية كبيرة ويحتكم الفريقان لركلات الترجيح بعد ان فاز الأهلى فى لقاء الذهاب بنفس النتيجة


وفى ركلات الجزاء سجل للاهلى كل من أحمد بلال وجيلبرتو وشادي محمد وأحمد حسن فيما أضاع فلافيو وأحمد علي ضربتين جزاء كانتا كفيلة بخروج مخزى للاهلى من البطولة الكونفدرالية



الف الف مبروك ههههههههههههههههههههههه ده اول موضوع ليا اكيد المشرف مش موجود بس مينفعش مناسبة ذى دى مش نكتب فيها موضوع

يعنى انا مبقتش اهلاويه فى عز توهج وانتصارات الاهلى هبقي اهلاويه حالا استحاله وصدقنى الاهلى خلاص راحت عليه والمستقبل للزمالك ان شاء الله اللى خلى الاهلي كويس ان الزمالك مكنش كويس بس خلاص الزمالك هيرجع وخصوصا بعد الاستقرار والمجلس المنتخب وبرده الف الف الف مبروك 3 مبروك وعقبال لما ديما ابارك للاهلى

علي اي اساس بتقولة ان الاهلي راحة علية وهو لسة واخد الدوري بعد منافسة شديد وبتتكلمة علي مباراة ونصف لعبتة في المنتخب واية يعني لما خرج من بطولة كفا ية البطولات اللي واخدها علي الاقل ما فيش فريق في مصر واخد بطولات زي الاهلي ولا اية

يعني الفريق الاردني اللي طلع الزمالك من البطولة العربية كان حد يعرفه ولا مركز شباب بني عبيد كان حد يسمع عنه

فيه حاجه نسيت اقولها ليك لما قولت انك ممكن تحذف الموضوع حتى لو حذفت الموضوع مش هتقدر تحذف الهزيمة المذله للاهلى اللى بقي ملطشة الفرق الافريقية الهزيله الفريق اللى بقاله 7 سنين الكلام ده مش كلامى ده كلام نقاد كبار واهلاويه كمان
تانى حاجه بقي على الدورى دورى ايه بس اللى واخدينه بالحكام ده كفايه الكارثه اللى عملها ريشه بعد ماصفرفاول حسب جون البطل الحقيقي للدورى هو الاسماعيلي اما بطولات الاهلى مش تعنينا فى شئ
اما بقي الزمالك على الاقل احنا معترفين اننى مش كويسين ومش بنغالط نفسنا زيكم وان شاء الله المستقبل لينا

فيه نكته حلوه قوى سمعتها فى برنامج اسمعلاوى بتقول فيه اتنين واحد اسمعلاوى و وواحد اهلاوى راحوه عند واحد بتاع كباب الاسمعلاوى طلب موزه والاهلاوى طلب ريشه ههههههههههههههههههههههههههههه

مافيش حكم بيرضي الفريقين وغير كدة انتم نزلين كلام علي الاهلي والهزيمة والحكام والدوري ونسين انكم زمالكوية وانكم مشجعين الفريق اللي كان منافس للاهلي علي مر السنين ولذلك اي انتقاط منكم هيكون ضدة طبعا رجاء القوا نظرة علي الزمالك............

AnGeL كتب:

فيه نكته حلوه قوى سمعتها فى برنامج اسمعلاوى بتقول فيه اتنين واحد اسمعلاوى و وواحد اهلاوى راحوه عند واحد بتاع كباب الاسمعلاوى طلب موزه والاهلاوى طلب ريشه ههههههههههههههههههههههههههههه

هههههههههههههههههههههههههه
حلوة حلوة حلوة
اهى دى فى الجون مفيهاش زقه من ابو تريكة

ابو تريكة الفنان اللي يامة زق الكورة في شباك الزمالك وغيرة