احمد السقا حزين لوفاة حصانه الخاص ونجوم الفن يعزونه

توالت الاتصالات من قبل عدد كبير نجوم ونجمات الفن سواء من مصر اومن العديد من الاقطار العربية الاخرى على الفنان المتألق احمد السقا لمواساته وتقديم التعازى له فى وفاة حصانه الخاص بشكل مفاجئ.

السقا يعيش فى حالة نفسية سيئة دفعته لوقف تصوير فيلمه السينمائى الجديد (ابراهيم الابيض) الذى يقوم ببطولته حاليا مع هند صبرى وعمرو واكد والفنان الكبير محمود عبدالعزيز اخراج مروان وحيد حامد فى ثانى تجاربه مع الاخراج السينمائى بعد تجربته الناجحة فى فيلم (عمارة يعقوبيان) بطولة عادل امام وحشد ضخم من الفنانين والفنانات.

احمد السقا سيطرت عليه حالة من الحزن الشديد بعد وفاة حصانه والذى كانت تربطه به علاقة قوية للغاية يعرفها جيدا كل المقربين منه وكذلك كل اصدقاءة فى الوسط الفنى ومما ضاعف من احزانه انه فقد فى مثل هذه الايام من العام الماضى حصان اخر- انثى - كان يطلق عليه اسم نجلاء.

احمد السقا يعد من الفنانين القلائل حاليا الذين يعشقون تربية وركوب الخيل على طريقة فارس السينما الراحل احمد مظهر.

لا حول ولا قوة الا بالله البقاء لله والعزا فين ان شاء الله لازم نقدم الواجب برضو

فعلا حاجة مستفزة على حصان بيقدموا واجب التعازى اللهم طولك يا روح ده احنا بقينا فى زمن لا يطاق فعلا ابقوا عزو فى البنى ادمين الاول بعد كده فكروا فى الحصان

الف شكر على الموضوع الرائع دة

لو اعرف المكان كونت روحت عزيت وجبت معايا 2 كيلو سكر للمعازيم قصدى للمعزيين

بقينا عبط اوى حصان اوك العشرة وزعلان عليه بس مش عزا ومعرفش ايه ليه يعنى ده فيه بنادمين بيموتوا ومش بيتعملهم عزا

قصدك تقولي يانورا ناس بتموت مش بنحس بموتهم الابعد فترة ودة ياعيني زعلان عشان حتة حصان لا راح ولا جة فعلا ناس فاضية مش لاقية حاجة تعملها بجد بجد حاجة نتقط وتجيب العصبي وشلل كمان بس ربنا يصبرنا علي ما بلانا بيه اللهم امين

هو اوك كان بيحبه وكان متعلق بيه بس مش للدرجة ديه ربنا يهديهم الناس الفاضية ديه